အရှက်

   အနုပညာကိုချစ်သော ကျွန်တော်သည် အလွန်နူးညံ့သိမ်မွေ့ကြင်နာတတ်သောသူဖြစ်သည်။
ထိုကဲ့သို့ရေးလျင် မည်သို့မျှထူးထူးခြားခြားခံစားချက် ရှိမည်မဟုတ်။အနုပညာသမားပါဆို
နူးညံ့မှာပေါ့ကြင်နာတတ်မှာပေါ့ သည်လိုပဲတွေးကြမည်။သို့သော်............
တခါတလေတွင်ကား ကျွန်တော်သည် လွန်စွာရက်စက်မာကျောသောနှလုံးသားမျိုးလဲရှိတတ်လေ၏။
အဘယ့်ကြောင့်ကျွန်တော့်တွင် ယခုလို ဆန့်ကျင်ဘက်စရိုက်များပေါင်းစပ်နေရသနည်း။
ဟုတ်ပါသည် ကျွန်တော်ဆိုသော ကျွန်တော့်တွင် ဆန့်ကျင်ဘက်စရိုက်များ အတော်အတန်ပေါင်းစပ်နေ၏။
ဒါလဲမဆန်းပါ ကျွန်တော့်ကိုမွေးထုတ်ထားသော အဖေသည်ကား
ပုရိသယောင်္ကျား အမေသည်ကား က္ကုတ္တိယ မိန်းမဖြစ်နေသည်ကိုး။ဟင်...ဘယ်သူကောင့်သားကကော အထီးအထီးချင်းအမအမချင်းမွေးထားလို့လဲ။အဲသလိုတော့လာမမေးပါနှင့်။မဖြေတတ်ပါ။
ဆိုလိုသည်က အဖေသည် အလွန်ဒေါသကြီးသော စိတ်မြန်သော ယောင်္ကျားဆန်သောစရိုက်များ
လွှမ်းမိုးသူဖြစ်ပြီး အမေသည် ရှက်ကြောက်သိမ်မွေ့သော သနားကြင်နာတတ်သော
မိန်းမသဘာဝများအပြည့်ပါလေသည်။
ထိုနှစ်ဦးပေါင်းထားသောကျွန်တော့်တွင်ကား နှစ်ဘက်စွန်းတွင်ကပ်နေသောစရိုက်များ
ဂွကျကျပေါင်းစပ်မိလေတော့သည်။
ကျွန်တော်ငယ်စဉ်က အဖေသည်အိမ်တွင်နေရသည်မရှိ ရှေ့တန်းတွင်သာအနေများ၏။
အဖေသည်တပ်မှ ၀န်ထမ်းတစ်ဦးဖြစ်ပေသည်။
အမေ နှင့်အမနှစ်ယောက်ကြားတွင်သာနေရသောကျွန်တော့်မှာ မြေမထိလေမထိပဲကြီးပြင်း
ရသောပျော့တီးပျော့ဖတ်အကောင်လေးဖြစ်လာရလေသည်။မြေကြီးပေါ်ပေးမဆင်း။
ဆင်းပြန်လျင်လည်းကျွန်တော့်မှာ ဟိုနားကယားသည်နားကယောင်နှင့် အလာ့ဂျစ်မျိုးစုံဖြစ်တတ်သည်။သို့ဖြစ်ရကားကျောင်းနေရွယ်တွင်
လူတကာအနိုင်ကျင့်ခံရလေသည်။
ခန္ဓာကိုယ်ပျော့သော်လည်း ဖခင်အမွေစိတ်အမာစားပါလာသောကျွန်တော်သည်ကား
မနိုင်မှန်းသိလဲ ပြန်တော့ချ၏။
ကျွန်တော့်လက်သံသည်ကား အခြားသူများအတွက်ကလိထိုးသလောက်သာရှိမည်ထင်ရ၏။
အိမ်ပြန်လာလျင်ကား ဖူးယောင်စုတ်ပြတ်နေလေပြီ။ထိုသို့ဖြစ်လျင် အမအကြီးဆုံးက
ကျွန်တော်နှင့်ရန်ဖြစ်ခဲ့သောသူငယ်များအိမ်သို့ တအိမ်တက်ဆင်း ရန်လိုက်တွေ့တတ်၏။
ကျွန်တော်ဆယ်နှစ်သားခန့်တွင်မှ အဖေသည်အိမ်မြဲလေ၏။အခြောက်ပမာ
ပျော့ပျောင်းသောကျွန်တော့်အား အားမရ။သူ၏တပည့်သားချင်းများထဲမှ သိုင်းဆရာ
ကရာတေးဆရာ
လက်ဝှေ့ဆရာများထံအပ်နှံ၏။အိမ်တွင်ချက်စားမည့်ကြက်ဆိုလျင်ကျွန်တော့်အား သတ်ခိုင်း၏။အခြားအရာကိုကျွန်တော်စိတ်မပျက်သော်လည်း ထိုကဲ့သို့ ကျွန်တော်မွေးထားသောကြက်ကလေးများအားသတ်ရခြင်းကိုအလွန်ဝမ်းနည်း၏။
ကျွန်တော်၏စိတ်အားမာကျောလာစေခြင်းငှာ အမဲလိုက်ရာသို့ခေါ်သွားတတ်၏။
ညသန်းခေါင်တွင် တောထဲတွင် ပွိုင့်တူးတူးရိုင်ဖယ်လေးတစ်လက်နှင့်
ဓါတ်မီးတစ်လက်ပေးကာ အကြာကြီးပစ်ထားခဲ့တတ်၏။
ကြာတော့ကျွန်တော်သည်လည်းအမဲလိုက်ခြင်းတွင်ပျော်မွေ့သွားလေတော့သည်။
ကျွန်တော်ဆယ်တန်းကျောင်းသားဘ၀တွင် ရန်ကုန်သို့
ဆိုင်ကယ်နှင့်ခရီးတစ်ခုသွားဖြစ်သည်။အရေးကြီးသောကိစ္စမဟုတ်
ခရီးဝေးဆိုင်ကယ်စီးရခြင်းအားပျော်မွေ့ခြင်းကြောင့် အပျော်ထွက်ခြင်းဖြစ်သည်။
အပြန်တွင်မိုးအသည်းအထန်ရွာနေသည်။ကျွန်တော်စီးလာသောဆိုင်ကယ်အား တဖက်မှ
ကျောက်သယ်လာသောဖေါင်ကြီးအကျဉ်းဦးစီးမှ တီအီး၂၁ကားသည်
ဘရိတ်ပေါက်၍ ၀င်တိုက်လေသည်။
ကျွန်တော်နှင့်ဆိုင်ကယ်ကိုတက်ကြိတ်၏။ဓါတ်တိုင်တစ်တိုင်ကိုတိုက်၏။
အိမ်တအိမ်ကိုဝင်တိုက်ပြီးမှရပ်လေသည်။
ထိုအချိန်ကျွန်တော်၏မျက်လုံးထဲတွင်ကျွန်တော့်အပေါ်ကားကြီး၏
ဝမ်းဗိုက်ပိုင်းဖြတ်သွားသည်ကိုမြင်ရသည်။ကုန်းရုန်းထသော်လဲမရ။လူများဝိုင်းလာ၏။
ကိုယ့်ကိုယ်ကိုယ်သေပြီဟုထင်သော်လည်းလူများအားမြင်ရသဖြင့် မသေကြောင်းသိရ၏။
အင်း.....မသေဘူးဆိုတော့ဘာဖြစ်သွားသေးလဲ။ညာလက်ကိုလှုပ်ကြည့်၏။မရ။
ဘယ်လက်ထောင်ကြည့်၏။ရသည်။ဘေးလူများရောက်လာပြီးမေးကြသည်။
"ညီလေးဘာဖြစ်သွားသေးလဲ"
"ညာဘက်လက်မရှိတော့ဘူးဗျ....ရှာပေးဦး"
"ဟာ...ရှိပါတယ်ညီလေးရ....ဒီမှာလေ"....လက်တဖက်ကိုသူကိုင်ပြမှတွေ့ရ၏။
ပခုံးအဆုံပြုတ်သွားခြင်းကြောင့်လှုပ်မရခြင်းဖြစ်သည်။ထနိုင်သလားမေးသဖြင့်ထကြည့်။
မရ။ကြက်ခြေနီများရောက်လာ၏။တယောက်က ချိုင်းမှ တယောက်ကခြေမှ မယူ၏။
သည်တော့မှ နာကျင်မှုကိုကျွန်တော်စတင်ခံစားရ၏။ညာဘက်ပေါင်သည် အဆစ်သုံးခု
ကဲ့သို့ဖြစ်ခါပေါင်လည်မှညွှတ်ကျသွား၏။သွင်သွင်ကျိုးသွားသောပေါင်ရိုးသည် ဂျင်းဘောင်းဘီအပြင်ထိပင်ပေါင်ကိုဖေါက်ကာထွက်လာသည်။
စာဖတ်သူများသတိထားမိမလားမသိ။ကော်ပေတံတစ်ချောင်းကိုချိုးလိုက်သည့်အခါ မွှေးတေးတေးအနံ့တမျိုးရတတ်သည်။ထိုအနံ့သည်
ကျွန်တော့်နှာခေါင်းတွင်မွှန်ထူနေအောင်ရ၏။နီးစပ်ရာလှည်းကူးဆေးရုံဆီသို့သယ်သွားကြသည်။
ထိုအချိန်တွင်ကား အလွန်နာကျင်နေပြီဖြစ်သည်။ဆရာမများအား မေ့ဆေးထိုးပေးရန်ပူဆာ၏။
နာကျင်မှုဒဏ်မခံနိုင်သောကြောင့်ဖြစ်သည်။သို့သော် အဟောက်ခံရ၏(မေ့ဆေးဆိုသည်ကို ဆရာဝန်ညွှန်ကြားမှုမပါပဲသူတို့ကလဲဘယ်ပေးရဲလိမ့်မလဲ)။ထိုအခါဒေါသအလွန်ထွက်လာ၏။
" ခင်ဗျားတို့ဘာမှမလုပ်ပေးနိုင်ရင် ကျုပ်အနားမကပ်နဲ့သွားကြ" နီးရာနှင့်ကောက်ပေါက်၏။အရေးပေါ်ဖြစ်သောကြောင့်ရန်ကုန်ဆေးရုံကြီးထိသာ
သယ်သွားကြလေသည်။လမ်းတလျောက်တွင်ဘေးမှပါလာသောကြက်ခြေနီရဲဘော်မှ
အားပေး၏။ကျွန်တော်ကမေးခွန်းပြန်ထုတ်၏။
"ငါ့ညီဘာမှအားမငယ်နဲ့"
"အင်း...အကို အခုကျွန်တော်ခြေမကိုလှုပ်ကြည့်နေတယ် လှုပ်သလား"
"လှုပ်နေတယ်လေ...ဘာလို့လဲ"
"အော်....ဒါဆိုရင်ဖြတ်တော့မဖြတ်ရဘူးထင်ပါရဲ့နော်"
"အာ...မဖြတ်ရပါဘူးကွာ"
ဆေးရုံကြီးသို့ရောက်သော် သွေးအတော်လွန်နေပြီဖြစ်၏။
အပြာဝတ်တစ်ယောက်ရောက်လာ၏။သွေးသွင်းရမည်ဖြစ်ကြောင်း
သွေး၊ဆေးနှင့်ပိုက်များ ဘာညာသာရကာအတွက်
ဘယ်လောက်ကျကြောင်းပြော၏။ဝယ်ရန်ပြော၏။
နာကျင်မှုကြောင့်ဒေါသထွက်နေသော
ကျွန်တော်ကဘုပြန်ပြော၏။
"ကားတိုက်ခံရလို့...ဖိနပ်တောင်ပါမလာတော့ဘူးဗျ....
ပိုက်ဆံအိတ်လဲဘယ်ရောက်မှန်းမသိဘူး....မရှိဘူးဗျာ"
ပြန်ထွက်သွား၏။ဘေးကုတင်မှ လူကြီးတစ်ယောက်မှမနေသာသဖြင့်
ငွေထုတ်ပေးကာသွေးသွင်းခိုင်းသောကြောင့် အဆင်ပြေသွားသည်။
ခွဲခန်းသို့သွားသောလမ်းတယောက် တွန်းလှည်းဘီးသံ
ဆေးရုံခေါင်မိုးများရွေ့လျားမှု ထိုအရာများက အိပ်မက်တစ်ခုအားပြန်သတိရစေသည်။
လူများကကျွန်တော့်အားထိုသို့ တွန်းလှည်းပေါ်တင်ကာ
အခန်းအရှည်ကြီးတစ်ခုအားဖြတ်ခေါ်သွားသောအိပ်မက်။
ထိုအိပ်မက်အားကျွန်တော်မက်ခဲ့သည်မှာအတော်ကြာပြီ။မက်တိုင်းလန့်နိုးတတ်၏။
ယခုအိပ်မက်ထဲမှမြင်ကွင်းများအား လတ်လတ်ဆတ်ဆတ်
အစီစဉ်တကျပြန်မြင်ရခြင်းမှာ အံ့သြစရာ။
ထိုကဲ့သို့ကျွန်တော်ဖြစ်နေစဉ်အတောအတွင်းအမေသည် အိပ်မက်ဆိုးများမက်သည်ဆို၏။ရင်ထဲလေးနေသဖြင့်ကျွန်တော့်အားစိတ်ပူမိသည်ဆို၏။
လက်ယာဘက်သားမြတ်မှကိုက်ခဲသည်။ထိုသို့ဖြစ်တိုင်းကျွန်တော်တစုံတခုဖြစ်တတ်သည်ဆို၏။
အမေနှင့်သား၏ မသိစိတ်မှဆက်နွယ်မှုကား အံ့ဘွယ်ပင်။အဖေ့အား ကျွန်တော့်ကိုစုံစမ်းခိုင်း၏။
အဖေကား အမှန်တွင် ရုံးသို့ဖုန်းဖြင့်အကြောင်းကြားထားသောကြောင့်သိပြီးဖြစ်၏။
ရန်ကုန်သို့အလာကား ဂျွိုင်းပြုတ်၏။အခြေအနေမကောင်းဟု သူလဲစိတ်ထင့်လေသည်။
ခွဲခန်းထဲတွင်ကား ကျွန်တော့်အားမေ့ဆေးပေးသောဆရာဝန် စိတ်ရှုပ်ရသည်။
မော်ဖင်းနှင့်လဲမမေ့ ၊ပက်သဒင်းနှင့်လဲမမေ့၊ဘယ်လိုအကောင်တုန်း တွေး၏။
ကျွန်တော်ကလဲဖြတ်မယ်ဆိုရင်တခါတည်းသေအောင်လုပ်နော် ...အပြတ်နဲ့တော့မနေချင်ဘူးဟု ဂျီကျ၏။ဒုက္ခိတဘ၀ကိုတွေးကြောက်သည်ကိုး။
အတော်အတန်ကြာမှမေ့သွားပြီးခွဲစိတ်သည်။
သတိပြန်ရသောအခါကျွန်တော့်အား ကုတင်တွင်နေရာချတုန်းဖြစ်သည်။
အရိုးကျိုး၍ပေါက်ထွက်သွားသောအနာမကျက်မချင်း ခြေထောက်အားအလေးဖြင့်
ဆွဲထားရန် ဒူးခေါင်းအောက်ခြေတွင်စတီးချောင်းတချောင်းကန့်လန့်ဖေါက်ကာ စက်သီးကြိုးဖြင့်ခြေထောက်အားတွဲလောင်းဆွဲရန်ပြင်နေချိန်ဖြစ်၏။
သတိရလာသောကျွန်တော်ကစွတ်အော်၏။အတန်ငယ်စိတ်ဆတ်ဟန်တူသော
အမျိုးသားသူနာပြုတစ်ယောက်က ခပ်ထန်ထန်ဟောက်၏။
မင်းကိုကောင်းအောင်လုပ်ပေးနေတာ စွတ်အော်မနေနဲ့
ယောင်္ကျားမဟုတ်ဘူးလား စသဖြင့်ပြော၍ ကျွန်တော်လည်းဒေါသထွက်ပြန်၏။
ဘေးဘီကြည့်သောအခါ တခါသုံးဆေးထိုးအပ်များတွေ့ရာ တချောင်းကိုအသာကိုင်ပြီး
စောစောကဟောက်သောသူနာပြုဆရာအား ခနလာရန်ခေါ်၏။
အနားရောက်လာသော်ဆေးထိုးအပ်ဖြင့်ပေါင်ကိုဆောင့်ထိုးရာ
ငယ်သံပါအောင်အော်ရှာသည်။
"အား.....ဟေ့ကောင်မင်းဘာလုပ်တာလဲ"
"ဆေးထိုးအပ်လေးနဲ့ထိုးကြည့်တာပါဗျာ....ခင်ဗျားကလဲ....အဲလောက်မအော်ပါနဲ့
ခင်ဗျားတောင်အပ်လေးစူးတာအဲဒီလောက်အော်ရင်
ပေါင်တချောင်းလုံးကျိုးထားတဲ့ကောင်အော်တယ်ဆိုတာသဘာဝကျပါတယ်ဗျာ"
"အေးကွာ....အော်ကွာ မသာလောင်းလေး"
"အော်တယ်ဗျာ....အော်တယ်...မသာလောင်းကြီး"
စုံပလုံစိနေအောင်ကိုအော်၏။လေးဖြူ၊ဇော်ဝင်းထွဋ္ဌ်တို့၏ သီချင်းများပါမကျန်အော်ပစ်၏။
မှတ်မှတ်ရရ ထိခိုက်ဒဏ်ရာကုဆောင် အဆောင်၅/၆မှ
ကျွန်တော့်ကုတင်နံပါတ်မှာ (13 )ဖြစ်၏။စရောက်ရောက်ချင်းပင်
ကုတင်ဆယ့်သုံးမှလူနာဆိုးကြောင်းနာမည်ကြီးသွားလေသည်။
နာမည်ကြီးဖို့ဇာတာကပါလာသည်ကိုး။
နောက်နေ့မနက်အဖေရောက်လာသည်။အခြေအနေဆိုးမည်ဟုထင်သောကျွန်တော့်အား
ကုတင်ပေါ်တွင်သီချင်းညည်းလျက်စပ်ဖြီးဖြီးအနေအထားတွေ့ရ၍ စိတ်သက်သာသွားသည်
ဆို၏။သူကလဲရောက်ရောက်ချင်းတစခန်းထပြန်၏။
တိုက်သွားသောကားသမားပေါင်ကို သေနတ်ဖြင့်ပစ်ချိုးမည်ဟု ပစ္စတိုတကားကားလုပ်ပြန်၏။ဟိုဘက်ကရဲမှူးများဘာညာသာရကာပါလာသောကြောင့်
နဂိုကလဲအမြင်ကပ်သောအခံရှိသည်လေလားတော့မသိ အသကုန်ပြဿနာရှာတော့၏။
သို့သော်တဘက်မှအေးအေးဆေးဆေးသမားများဖြစ်သည်ကတကြောင်းစကားပြောလဲ
ကောင်းသည်ကြောင့်တကြောင်းတစ်ခဏအတွင်း ပြန်လည်သင့်မြတ်သွား၏။အမှုတောင်ဖွင့်
မနေတော့ပေ။တဘက်ကားသမားအားသနားသည်လဲပါသဖြင့် သူ့အားအရေးမယူရန်ပင်ပြောလိုက်သေးသည်။အဖေကစစ်သားဖြစ်၍ ကျွန်တော့်အားစစ်ဆေးရုံပြောင်းရန်ပြင်သည်။ကျွန်တော်ကအထိမခံအကိုင်မခံ၊ဆရာဝန်ကြီးများကလဲ
စိတ်မချ၍ ပြည်သူ့ဆေးရုံကြီးမှာပင် ဆက်ကုသဖြစ်သည်။ဆေးရုံဝန်ထမ်းများကလဲ တာဝန်ကျေရှာပါသည်။
မှတ်မှတ်ရရ ပြဿနာတခုတော့တက်လိုက်သေးသည်။
ဘာမှတော့မဟုတ်ပါ ဆံပင်ညှပ်သမားတစ်ယောက်ဖြစ်သည်။ဆေးရုံဝန်ထမ်းလည်းမဟုတ် ။
ဘယ်ကမှန်းလဲမသိ။သူဝင်လာလျင်လူနာများအားလိုက်ကြည့်၏။ဆံပင်ရှည်သောလူနာတွေ့လျင်
မင်းဆံပင်ညှပ်ရမယ်ဆိုကာ ကတ်ကျေးအတုံး၊ဒါးအတုံးဖြင့်သမ၏။ခံရသူခမျာရှုံ့မဲ့ခံရရှာ၏။
လေသံကလဲအတော်မာ၏။တာဝန်ရှိ၍လုပ်ခြင်းဖြစ်ကြောင်း တွင်တွင်ပြော၏။
ဘာကြောင့်မှန်းမသိ။ထိုသူအားကျွန်တော်မျက်မုန်းကျိုးမိ၏။
တနေ့တွင် ထုံးစံအတိုင်းကျွန်တော့်ကုတင်ရှေ့ရောက်လာကာ
"ဟေ့ကောင်...မင်းဆံပင်ညှပ်ရမယ်"
"၀ါသနာမပါဘူးဗျာ"
"ဘာကွ...ဟေ့ကောင်မင်းဘာစကားပြောတာလဲ"ဲ
"လူစကားလေဗျာနားမလည်ဘူးလား"
"ငါကတာဝန်ရှိတဲ့လူကွ....မင်းငါ့ကိုဘာကောင်ထင်နေလဲ"
"ဟင်...လူမဟုတ်ဘူးလား...ခုနကအထိတော့ ခင်ဗျားကိုလူလို့ပဲထင်နေသေးတာ...
ခင်ဗျားပြောမှပဲသိတော့တယ်...ပြောပါဦးဘာကောင်ကြီးလဲဗျ"
"ဒီကောင်ငါလုပ်လိုက်ရသေတော့မယ်"
"ကြိမ်းမနေနဲ့...ကျုပ်ကတော့လုပ်ပြီဗျို့.....ကြည့်ရှောင်ပေတော့"

ကုတင်ဘေးမှ ပန်းသီးလှီးသောဒါးဖြင့်ကောက်ပေါက်လိုက်ရာ နဖူးတွင်သွားစိုက်၏။
အမဲလိုက်သောလက်ပေကိုး။ပန်းသီးလှီးသောဒါးပါးလေးဖြစ်၍သာ တော်သေး၏။
ထိုပုဂ္ဂိုလ်ခမျာမှာလည်း ဆရာဝန်ကြီးများရောက်လာပြီးဖြစ်ကြောင်းကုန်စင်သိကာ
အတော်ပြဿနာတက်သွားရှာသည်ဆို၏။ဆေးရုံကြီးအားမှီခိုကာ ထိုသို့ခပ်တည်တည်
လုပ်စားသူများရှိကြောင်း ဆရာဝန်ကြီးများခမျာ ကျွန်တော့်ကျေးဇူးဖြင့် သိခွင့်ရကြရှာလေသည်။
အနာကျက်၍ စတီးချောင်းပေါင်ရိုးဘေးကပ်ထည့်ပြီး ကျွန်တော့်အားဆေးရုံ
ဆင်းခွင့်ပေးလိုက်သည်။ချိုင်းထောက်သာအားကိုးရသဖြင့် ဟိုဟိုဒီဒီမသွားနိုင်သေး။
ဂစ်တာတီးသောလက်က ကော့ဒ်များမဖိနိုင်သေး။ပန်းချီရေးလိုက်စာအုပ်ဖတ်လိုက်ဖြင့်
အချိန်ဖြုန်းရ၏။သူငယ်ချင်းများလာလျင်စကားပြောဖေါ်ရ၏။ပျင်းပျင်းဖြင့်အိမ်တွင်းအောင်နေရင်း
ငယ်စဉ်ကလက်စွဲတော်ပွိုင့်တူးတူးသေနတ်ကလေးအား ပြန်လည်တိုက်ချွတ်ရင်း အိမ်ရှေ့ခြံစည်းရိုးတွင်ပင်နီစလင်ပုလင်း၊ငယ်စဉ်ကကစားသော စစ်သားရုပ်စသည်တို့ကိုတင်၍
လက်တည့်စမ်း၏။မဆိုးလှပေ။လက်ရည်မကျသေး။ထိုသို့လက်တည့်စမ်းနေစဉ် အိမ်ထောင့်
မာလကာပင်တွင်ဘုတ်ဖင်နီကလေးတစ်ကောင်လာနား၏။ခုန်ဆွ၊ခုန်ဆွလုပ်၏။ဟိုကိုင်းသည်ကိုင်းကူး၏။
တေးသီ၏။အသီးစား၏။ကျွန်တော်လည်း ဘာရယ်မဟုတ်၊သင်းကလေးအားလက်တည့်စမ်းခြောက်လှန့်ချင်လာ၏။သေနတ်ဖြင့်ချိန်ရင်း
အတွေးပေါ်သည်မှာ ငါခုနေပစ်ရင်သူရှောင်ခွင့်မရပဲသေရမှာ၊သိပ်မတရားရာကျနေမယ်၊ခြောက်ပြီးမှပစ်မယ်
ဒါဆိုနည်းနည်းတရားတယ် သူလဲရှောင်နိုင်ရင်လွတ်မှာပေါ့.......
ထိုသို့တွေးကာ ပါးစပ်မှအော်ရင်း ပစ်ထည့်လိုက်၏။အဝေးသို့ပျံသွားသည်ကိုတွေ့လိုက်ရ၏။
"တောက်....မထိဘူးကွာ....ငါလက်ရည်အတော်ညံ့သေးတာပဲ "
မထိမှန်းသိသော်လည်း ဗီဇအရ ထိုအပင်အောက်ရောက်ကာဟိုဟိုသည်သည်ကြည့်မိ၏။
"ဟင်....လှုပ်လှုပ်ရွရွနဲ့ဘာလေးပါလိမ့်"
ကောက်ကိုင်၍ကြည့်မိသောအခါ...........
..............................................
ငှက်ခြေထောက်ကလေးတစ်ချောင်း.......
အကြောများဆွဲတုန်းကွေးတုန်းဆန့်တုန်းရှိသေး၏။
အော်....ခုနကငှက်ကလေးရဲ့ခြေထောက်လေးပဲ
အင်းခုလောက်ဆိုသူတနေရာရာမှာနားနေမှာပေါ့
ခြေထောက်မပါပဲသူနားလို့ရပါ့မလား
မရဘူးထင်တယ်နော်.....သနားပါတယ်
သူနာနေရှာမှာပဲ
နာမှာပေါ့....ငါတောင်ခြေထောက်ကျိုးတာ အတော်နာခဲ့တာပဲ
ငါ့ခြေထောက်ပြတ်မှာသေမလောက်ကြောက်ခဲ့တာပဲ
အခုသူ ဘယ်လိုဆက်နေမလဲ.......
အတွေးပေါင်းစုံလျောက်ဝင်လာရင်း ရှက်ခြင်း၊သနားခြင်း၊၀မ်းနည်းယူကျုံးမရခြင်း၊
မိမိကိုယ်ကိုယ်ဒေါသဖြစ်ခြင်း မည်သို့သောခံစားမှုမျိုးများရိုက်ခတ်လေသည်မသိ။
ကျွန်တော်သိစိတ်ပြန်ဝင်သောအခါ ကျွန်တော့်ခြေရင်းတွင် ပွိုင့်တူးတူးသေနတ်ကလေး
ကျိုးပဲ့လဲလျောင်းနေရှာ၏။
ထိုနေ့မှစ၍ ကျွန်တော်သေနတ်လုံးဝ မကိုင်ဖြစ်တော့ပါ။

လဂွန်းအိမ်