ကုလား ၊ တရုတ် ဟု ဘာကြောင့်ခေါ်

မြန်မာနိုင်ငံထဲကို ကုလားတွေထက်အရင် တရုတ်တွေသာ ၀င်ခဲ့ကြရင် တရုတ်နာမည်က ကုလားဖြစ်သွားမယ်။ ကုလားနာမည်က တရုတ်ဖြစ်သွားနိုင်ပါတယ်။ ကျနော်တို့တတွေ ငယ်စဉ်ကတည်းက အိန္ဒိယတိုင်းရင်းသား ကို ကုလား၊ ချိုင်းနားတိုင်းရင်းသားဆို တရုတ်လို့ ခေါ်လာခဲ့ကြတာ နှုတ်ကို ကျိုးလို့။ ထိုင်းကိုတော့ အယုဒ္ဓယကို အစွဲပြုပြီး ယိုးဒယားလို့ ခေါ်ခဲ့ကြတယ်လို့တော့ ကြားဖူးတာပဲ။ ဒါပေမယ့် ဘာကနေ ဘယ်လို ဖြစ်လို့ အိန္ဒိယကို ကုလား၊ ချိုင်းနားကို တရုတ်လို့ ခေါ်ရတာလဲ ဆိုတဲ့ အကြောင်းအရင်းကိုတော့ တော်တော်များများက ခေါ်သာခေါ်နေကြတာ မသိကြဘူးလို့ ဆိုရမယ်ဗျ။ ဒေါက်တာသန်းထွန်းရဲ့ သမိုင်းထဲမှာတော့ ဟိုရှေးရှေးက တရုတ်မန်ချူးစစ်သည် တွေဟာ မြန်မာတွေကို ၀င်ဝင်ဆော်လွန်းလို့ တရုတ်တရက် တွေလို့ ခေါ်ခဲ့ကြတာလို့တော့ မှတ်သားဖူးပါရဲ့။ တရုတ်တရက်ဆိုတာ သူပုန် လို့ ပြောတာတဲ့။ ထားပါတော့ ခုကျနော်ပြောပြမယ့် ကုလား၊ တရုတ် ဘယ်ကစ ဆိုတဲ့ဇာတ်လမ်းကတော့ သမိုင်းမှတ်တမ်းလည်း မဟုတ်လို့ ယုံသာ၊မယုံသာ အသာထား ဗဟုသုတစကား အဖြစ်သာ မှတ်ယူကြပါခင်ဗျား။

ဒီလိုဗျ... ဟိုရှေးရှေးအခါတုန်းကတော့ ကျနော်တို့ မြန်မာနိုင်ငံဆိုတာ တော်တော်ချမ်းသာကြတာကလား။ မြန်မာဘုရင်တွေဆီမှာဆို ပေါ်တူဂီစစ်သားတွေတောင် အမှုလာထမ်းကြတာလေ သိကြတယ်မို့လားဗျ။ အဲဒီအချိန်ကတည်းက ပြင်သစ်နဲ့ အင်္ဂလိပ်ကြီးတွေက မြန်မာဘုရင်တွေကို ချက်ကျောက်တွေ၊ ပိုးထည်တွေ လက်ဆောင်ပေးရင်း မြန်မာနိုင်ငံ အနေအထားကို ဘယ်ကစသိမ်းရမလဲ လေ့လာနေခဲ့ကြတာလေ။ အင်္ဂလိပ်ဆိုတာက သူတို့ကိုယ်သူတို့ လူမျိုးကြီးတွေလို့ ခံယူထားတဲ့ လူမျိုးတွေဆိုတော့ ခရီးသွားရင် ပစ္စည်းတွေ၊ ရိက္ခာတွေဆို အထမ်းသမားတွေနဲ့ပဲ သယ်ယူသွားလာကြတာ သိကြပေမပေါ့နော်။ အေးဗျ... အဲဒီမှာ

ပစ္စည်းတွေထမ်းဖို့ သူတို့နဲ့အတူ အိန္ဒိယလူမျိုးတွေ အထမ်းသမားအဖြစ်နဲ့ ပါလာကြတော့တာပါပဲ။ အဲဒီ ပစ္စည်းထမ်းတဲ့ သူတွေကို အင်္ဂလိပ်တွေက ကူလီလို့ ခေါ်ကြတာကို မြန်မာတွေ ကြားကြတယ်လေ။ ပြင်သစ်တွေကတော့ ကူလာ လို့ခေါ်ပြန်သတဲ့ဗျ။ ဒီတော့ အဲဒီကတည်းကစလို့ မြန်မာတွေကလည်း ဘုမသိ၊ဘမသိနဲ့ အိန္ဒိယလူမျိုးတွေ့ရင် ကူလီ၊ ကူလာ လို့ပဲ လိုက်ခေါ်ကြရာကနေ ခေတ်ကာလတွေ ရွေ့လျားလာရာက ခုခေါ်ဝေါ်နေကြတဲ့ ကုလား ဆိုတဲ့ ဝေါဟာရကို ပြောင်းလဲ ခေါ်ဝေါ်လာကြပြီး ခုထက်တိုင် အိန္ဒိယနိုင်ငံသားတွေကို ကုလားလို့ ခေါ်ကြတာ ဖြစ်ပါသတဲ့ဗျား။ သူတို့နဲ့ ရုပ်ဆင်တူပြီး အသားဖြူဖြူကြီးတွေကိုကျ ကုလားဖြူလို့ ခေါ်လိုက်ကြသတဲ့။ (အဲဒီမှာ မူကွဲနေတဲ့ အချက်တခုတော့ရှိသဗျ။ တချို့က အိန္ဒိယလူမျိုးတွေဟာ တဖက်ကမ်းကနေ ကူးလာကြတဲ့လူမျိုးဖြစ်လို့ ကူးလာ လို့ခေါ်ရာကနေ ကုလားလို့ ပြောင်းလဲလာတာ ရယ်လို့လည်း ပြောကြပါသေးတယ်။)

ချိုင်းနားလူမျိုးတွေကတော့ ဟိုး ပျူသရေခေတ္တရာ ခေတ်ကစလို့ နိုင်ငံတော် ဧကရာဇ်တွေ အချင်းချင်း သံသမန်ဆက်ဆံရေးတွေ ရှိခဲ့ကြပါတယ်။ အဲဒီတုန်းကတော့ ချိုင်းနားတွေကို Chi = စိ ၊ Na = န ၊ China = စိနတိုင်း၊ စိန့်တိုင်းရယ်လို့ ခေါ်ဝေါ်သုံးစွဲခဲ့ကြတယ်ဆိုတာ ပုရပိုက်မှတ်တမ်းတွေမှာ တွေ့ရှိရပါတယ်။ အဲဒီလို ဘုရင်တွေအချင်းချင်း ကူးလူးဆက်ဆံမှုတွေ ရှိကြပေမယ့် နာမည်ပေးတော်တဲ့ မြန်မာပြည်သားတွေ ကြားကိုရောက်လာကြတာက ကုလား ခေါ် အိန္ဒိယလူမျိုးတွေထက် နောက်ကျသတဲ့ဗျ။ ဒီလိုနဲ့ ချိုင်းနားလူမျိုးတွေကို မြန်မာတွေက တွေ့လည်းတွေ့ရော ဟာ... ဒီလူမျိုးတွေကျတော့ ကုလားတွေနဲ့ မတူပြန်ဘူးဟ။ အသားက မမဲပဲ ဖြူနေကြသဟ။ နှာခေါင်းကလည်း မချွန်ပဲ ပြားနေကြသေးသဟ။ မျက်လုံးမျက်ခုံးကလည်း မတူပဲ မှေးနေကြသေးသဟ။ သူတို့ရုပ်တွေကျတော့ ကုလားတွေနဲ့ မတူ တရုပ်စီ၊ တခြားစီမို့ တရုပ်လို့ပဲ ခေါ်လိုက်ကြသတဲ့ဗျား။

ဒါကြောင့်မို့ လည်း မြန်မာနိုင်ငံထဲကို ကုလားက အရင်မရောက်ပဲ တရုတ်က အရင်ရောက်ခဲ့ရင် ချိုင်းနားက ကုလား ဖြစ်သွားမယ်။ အိန္ဒိယက တရုတ်ဖြစ်သွားမယ်လို့ ပြောကြတာပေါ့ဗျာ။ ကုလား၊တရုပ်လို့ ခေါ်ရခြင်းသမိုင်းလို့ ခေါင်းစဉ်ပေးထား ပေမယ့်လည်း သမိုင်းမှတ်တမ်းလည်း မဟုတ်သလို ရာဇ၀င်ကျမ်းဂန်ထဲမှာလည်း ရှိမရှိမသိလို့ ယုံးသာ၊မယုံးသာ အသာထား ဗဟုသုတစကား အဖြစ်သာ မှတ်သားတော် မူကြပါခင်ဗျား။



ကြယ်ဖြူ