ထေရ၀ါဒအတွင်းမှ အစွန်းရောက်ထေရ၀ါဒီများသို့

ယနေ့ခေတ်သည် ဗဟုသုတနဲ့ နည်းပညာကြီးစိုးသော ခေတ်အခါဖြစ်ပါသည်။ ဘာသာရေး၊ ပညာရေး၊ နိုင်ငံရေး၊ စီးပွားရေးနှင့် လူမှုရေးတို့တွင် အသိဉာဏ်များကို  ပိတ်ဆို့၍ မရတော့ပါ။



ဟိုယခင်ခေတ်ကာလတုန်းက အထူးသဖြင့် ဘာသာရေးတွင် ထေရ၀ါဒစာပေများကိုသာ သိရှိလေ့လာခွင့်ပဲ ရခဲ့ကြပါသည်။



ယခုအခါတွင် နည်းပညာကျယ်ပြန့်လာသည့်အတွက် ဗုဒ္ဓတရားနှင့်ပတ်သက်သော ထေရ၀ါဒစာပေတင်မက၊ မဟာယာနဗုဒ္ဓဘာသာစာပေများ၊ ဇင်ဗုဒ္ဓဘာသာစာပေများ၊ တိဗက်ဗုဒ္ဓဘာသာစာပေများနှင့် အခြားအခြားသော ဗုဒ္ဓစာပေမူကွဲများကို လွယ်ကူစွာ လေ့လာလို့ ရရှိနေပါသည်။ ဒါ့ကြောင့် ပညာရှင်များက ယနေ့ခေတ်ကို ဟင်းလင်းပွင့်နေသော၊ ဒိုးယိုပေါက်မြင်နိုင်သောခေတ်၊ အသိပညာကျယ်ပြန့်လာသောခေတ်ဟု ခေါ်ဆိုကြခြင်းဖြစ်၏။



ဗဟုသုတနဲ့ နည်းပညာများကျယ်ပြန့်လာသည့်အတွက် ဘာသာရပ် အသီးသီးတွင် အယူအဆ မတူညီမှုများ၊ ရှုမြင်မှုမတူညီမှုများလည်း ဖြစ်ပေါ်လာ၏။

အယူအဆမတူငြားသော်လည်း သဘောထားကြီးကြသော ပညာရှင်များပီပီ ကိုယ့်ဟာမှ မှန်တယ်ဟု တစ်ဖက်သတ်ပြောဆိုတာမပြုပဲ အချင်းချင်း အသိအမြင် အယူအဆများ ဖလှယ်၍ ပူပေါင်း ဆောင်ရွက်နေကြမှုများ လည်း ကြားသိနေရ၏။



ယနေ့ ကမ္ဘာ့တွင် “လွတ်လပ်စွာ သဘောထားကွဲနိုင်ပါတယ်၊ သဘောထားကြီးဖို့ပဲလိုတာပါ” စတဲ့ နားလည်မှုများနဲ့ ပညာရှင်များ အပြန်အလှန် ပူးပေါင်းဆောင်ရွက်နေကြပါသည်။ ဒါသဘောထားကြီးတဲ့ လက္ခဏာများ ဖြစ်ပါသည်။



ဒါ့ကြောင့် မြန်မာဗုဒ္ဓဘာသာဝင်တို့သည်လည်း ဟိုယခင်ခေတ်ကလို ထေရ၀ါဒစာပေ လေ့လာမှုတစ်ခုတည်းနဲ့ ရပ်တန့်မနေပဲ ဗုဒ္ဓတရားကို နည်းပညာအကူအညီတို့ဖြင့် ကျယ်ကျယ်ပြန့်ပြန့် လေလာကြဖို့လိုပါပြီ။



ဒါမှသာ ဗဟုသုတအကြားအမြင်များ ပြည့်စုံပြီး ခေတ်ကိုအမှီ ရင်ဘောင် တန်းနိုင်ကာ အနာဂတ်ကမ္ဘာမှာ အရာဝင်မှာဖြစ်ပါသည်။



ကိုယ်သိတာမှအမှန် ကိုယ်နဲ့မတူရင် အမှားဆိုတဲ့ မိမိသိတဲ့ အသိအပေါ်မှာ အစွဲအားကြီးတဲ့ ဒိဋ္ဌုပါဒါန်တွေနဲ့ ပြုမူနေမယ်ဆိုရင်တော့ အနာဂတ် ကမ္ဘာရဲ့ ဘေးဖယ်ခြင်းကို ခံကြရပါလိမ့်မည်။



ကမ္ဘာ့နိုင်ငံတစ်ခုဖြစ်တဲ့ ယနေ့ မြန်မာနိုင်ငံတွင်လည်း ဗုဒ္ဓမြတ်စွာ ဟောကြားတော်မူခဲ့သည့် တရားတော်တွေကို တိုးတက်လာသော ဗဟုသုတနဲ့ နည်းပညာများ၏ပံ့ပိုးမှုနဲ့ ပိုမို၍ ကျယ်ကျယ် ပြန့်ပြန့် သိရှိခွင့်ရရှိလာသည်မှာ ၀မ်းမြောက်ဖွယ်ဖြစ်ပါသည်။



ဗဟုသုတနှင့် နည်းပညာများ အားကောင်းလာသည်နှင့်အညီ အယူအဆမတူညီမှုများ၊ သဘောထားကွဲလွဲမှုများလည်း ဖြစ်လာကြပါသည်။

ဒါသည်ပင် အသိဉာဏ်ပိုမိုဖွံ့ဖြိုးဖို့အကြောင်းဖြစ်ပါသည်။

ဒီအယူအဆမတူညီမှုများအပေါ်မူတည်ပြီး ယနေ့ မြန်မာထေရ၀ါဒဗုဒ္ဓဘာသာလောကတွင် အချို့သောပညာရှင်များ အချင်းချင်း တစ်ဦးကိုတစ်ဦး အပြစ်ပြော၊ ဝေဖန်၊ အတင်း အဓမ္မနှိပ်ကွပ်နေသာ လုပ်ရပ်များကိုလည်း ကြားသိ၊ မြင်တွေ့နေရ၏။

အယူအဆမတူညီလို့ အပြစ်ပြော ဝေဖန်တာထက် ကိုယ်နဲ့မတူ ကိုယ့်ရန်သူလို သဘောမျိုးတွေနဲ့ အတင်းအဓမ္မနှိပ်ကွပ်နေကြသည်မှာ အလွန်အရုပ်ဆိုပြီး အလွန်သဘောထားသေးသော လက္ခဏာများ ဖြစ်ပါတယ်။

လွန်ခဲ့သောနှစ် နှစ်ထောင့်ငါးရာကျော်က ဟောကြားတော်မူခဲ့သည့် ဗုဒ္ဓတရားအပေါ်တွင်လည်း ကာလ၊ ဒေသ၊ အတွေ့အကြုံစသည့် ကွဲလွဲမှုတို့အပေါ်မူတည်၍ တစ်ဦးနဲ့တစ်ဦး၊ လူမျိုးတစ်မျိုးနဲ့တစ်မျိုး အယူအဆ၊ အတွေးအမြင်များ ကွဲလွဲလာကြသည်မှာလည်း လောကဓမ္မတာ သဘာဝပင်ဖြစ်ပါသည်။ နှစ်ပေါင်းက နှစ်ထောင့်ငါးရာတောင်ကျော်ခဲ့ပြီကိုး။

မင်းတုန်းမင်းလက်ထက်တွင် သာသနာပိုင်ဆရာတော်ဦးဉေယျ

က ဆရာတော်ဦးဗုဓ် သိမ်သမုတ်တာနှင့် ပတ်သက်ပြီး “ကိုဗုဓ် သိမ်သမုတ်တာ ကံမမြောက်ဘူး” ဟု ဝေဖန်လိုက်၏။ အဲဒီအခါမှာ ဆရာတော် ဦးဗုဓ် က“ အောင်မယ်၊  ငါ သိမ်သမုတ်တာ ကံမြောက်တယ်၊ မမြောက်ဘူးလို့ ပြောရအောင် ဉေယျ နင်က ဘုရားမို့လို့လား၊ လာခဲ့၊ ငါ ရှင်းပြမယ် ”ဟု ပြန်ပြောလိုက်လေ၏။

သာသနာပိုင်ဆရာတော်က သူသိထားတဲ့ကျမ်းဂန်များသာ ဘုရားဟောအစစ်လို့ ယုံကြည်နေသလို ဆရာတော် ဦးဗုဓ်ကလည်း သူသိတာမှ ဘုရားဟောအစစ်ဟု ကိုယ်သိတာကိုယ်အမှန်ထင်နေကြခြင်းဖြစ်သည်။



ဘယ်အရာကမှ ဘုရားဟောအစစ်အမှန်ဆိုတာ ဆုံးဖြတ်ပေးနိုင်တဲ့ ဗုဒ္ဓဘုရားမှ မရှိတော့တာကိုး – - – ။

ဒါဆို စာပေပိဋကတ်တွေက ဗုဒ္ဓဘုရားဟော အစစ်တွေ မဟုတ်လားဟု ပြန်မေးစရာရှိ၏။ ဗုဒ္ဓဘုရားဟော အစစ်တွေ ပါသလို နောက်လူတွေက ဘုရားဟောဆိုပြီး တိုးထားတာတွေလည်း ပါနေသည်ဟု သုတေသနပညာရှင်တို့ သုံးသပ်ကြ၏။ ဘယ်ဟာက ဗုဒ္ဓဘုရားဟော အစစ်၊

ဘယ်ဟာက နောက်တိုးဆိုတာ စိတ်ဝင်စားသူ ပညာရှင်တို့ ဝေဖန်ကြပါကုန်။

နောက်တိုးဆိုတာ အဋ္ဌကထာ၊ ဋီကာ (အဖွင့်ကျမ်း)တို့ကို ပြောတာမဟုတ်ပါ။ ဗုဒ္ဓဘုရားဟောပါတယ်ဆိုတဲ့ ပါဠိတော်ထဲမှာကိုပဲ ဒါမှ ဘုရားဟောအစစ်၊ ဒါကနောက်တိုးဆိုပြီး အငြင်းပွားစရာတွေဖြစ်နေကြလို့ သာသနာပိုင် ဆရာတော်နှင့် ဆရာတော် ဦးဗုဓ်တို့ အယူအဆမတူခြင်း ဖြစ်ခဲ့ကြ၏။



သာသနာပိုင် ဆရာတော်နှင့် ဆရာတော် ဦးဗုဓ်တို့တွင်လားဆိုတော့ – - -မဟုတ်ပါ။ ယနေ့ခေတ်တွင် မဟာယာနဗုဒ္ဓဘာသာတွေကလည်း သူတို့စာပေပိဋကတ်တွေကမှ ဗုဒ္ဓဘုရားဟောအစစ်ဟု ယူကြ၏။ ထေရ၀ါဒ

စာပေတွေက အရောတွေပါနေသည်။ သင်္ဂါယနာတင်တယ်ဆိုပြီး အကြိမ်ကြိမ် ပြင်ထားတာ၊ ရောထားတာဟု ဆိုကြ၏။

ထေရ၀ါဒဗုဒ္ဓဘာသာတွေကလည်း ငါတို့ဟာမှ အမှန် မဟာယာနတွေက ဘုရားဟောတွေကို ပြင်ဆင် ဖြည့်စွတ်တာတွေလုပ်ထားတာဟု ဝေဖန်ကြ၏။

တနည်းအားဖြင့် ကိုယ့်သမီး ကိုယ်ချော လုပ်နေကြခြင်းဖြစ်ပေသည်။

ဘယ်ဟာကမှ ဗုဒ္ဓဘုရားဟောအမှန်ဟု ပြောကြမည်နည်း။ ပြောမယ့်သူကလည်း  ” ဘုရားမို့လို့လား” – - – - – -။



ထေရ၀ါဒဗုဒ္ဓဘာသာမှာကိုပဲ မြန်မာထေရ၀ါဒက ကိုယ့်ဟာမှအမှန်၊ ယိုးဒယားထေရ၀ါဒကလည်း သူ့ပိဋကတ်တွေကမှ ဘုရားဟောအစစ်လို့ ပြောသလို ကျန်တဲ့ ထေရ၀ါဒနိုင်ငံတွေကလည်း သူတို့စာပေတွေကမှ အစစ်လို့ အသီးသီးပြောကြမှာပါပဲ။ ထေရ၀ါဒသင်္ဂါယနာ တင်တဲ့ကိစ္စမှာပဲ မြန်မာထေရ၀ါဒက (၆)ကြိမ်တင်ပြီးပြီ၊ ယိုးဒယားထေရ၀ါဒက (၉)ကြိမ် တင်ပြီးပြီ။ အဲဒီ ယိုးဒယားထေရ၀ါဒသင်္ဂါယနာ (၉) ကြိမ်မှာ မြန်မာပြည်မှာ တင်ခဲ့တဲ့ ပဉ္စမသင်္ဂါယနာနဲ့ ဆဋ္ဌသင်္ဂါယနာမပါပါ။ အဲဒီ ပဉ္စမနဲ့ ဆဋ္ဌမကို ယိုးဒယားထေရ၀ါဒီတို့က အသိအမှတ်မပြုပါ။ ယနေ့ မြန်မာတို့ရဲ့ ဆဋ္ဌသင်္ဂါယနာတင်ပိဋကတ်တွေကို  ယိုးဒယားထေရ၀ါဒ တို့က အသိအမှတ် မပြုတဲ့ သဘောပါပဲ။ (ပဉ္စမသင်္ဂါယနာနဲ့ ဆဋ္ဌသင်္ဂါယနာအကြောင်း သီးသန့် post တစ်ခုရေးပါဦးမည်။) အဲဒီထေရ၀ါဒနှစ်နိုင်ငံမှာကိုပဲ ကိုယ့်ဟာမှ အမှန်ဆိုပြီး ဖြစ်နေကြ၏။

ကျန်မဟာယာနများဆိုရင်ပိုဆိုးပြီပေါ့။

ဗုဒ္ဓဘုရားပွင့်ခဲ့တာ နှစ်က (၂၅၀၀)တောင် ကျော်ခဲ့ပြီကိုး – - – ။

နှစ် (၂၅၀၀)ကျော်အတွင်းမှာ ကာလ၊ ဒေသ၊ ပယောဂများအလိုက် အရောရော အနှောနှော ဖြစ်ရသည်မှာ သဘာဝပါပဲ။

သူတို့မှာလည်း နောက်တိုးအရောတွေ ပါနေတယ်လို့ သိဖို့လိုသလို မိမိတို့မှာလည်း အရောအနှောတွေ ရှိနေနိုင်ပါလားလို့ အသိအမှတ်ပြုပေးဖို့ လိုပါတယ်။ ကိုယ့်ဟာမှ ဘုရားဟောအစစ်လို့ ဇွတ်အတင်းပြောနေလို့ သင့်ပါ့မလား။

ကိုယ့်သမီး ကိုယ်ချော မလုပ်ကြပါနဲ့တော့။  ကိုယ်သမီးလည်း ချောတယ်လို့ထင်ရင် သူများ သမီးလည်း ချောတယ်လို့ အသိအမှတ်ပြုပေးပါ။ သူများသမီးမှာ ဆိုးတာရှိတယ်လို့ ယူဆမိရင် ကိုယ်သမီးမှာလည်း ဆိုးတာတွေရှိနေတယ်လို့ သိဖို့ကြိုးစားပေးဖို့ လိုပါတယ်။ ယနေ့ခေတ်ဟာ နည်းပညာကျယ်ပြန့်လာတာမို့ သိအောင်ကြိုးစားမယ်ဆိုရင် ရနေပါပြီ။



ဒါ့ကြောင့် လွတ်လပ်စွာ သဘောထားကွဲတာ သဘာဝပါ၊ သဘောထားကြီးဖို့ ပဲလိုတာဆိုပြီး အကြံပြုပါရစေ။ ဘာကြောင့်လည်းဆိုတော့ ယနေ့ မြန်မာထေရ၀ါဒ အ၀န်းအ၀ိုင်းအတွင်းမှာ တစ်ချို့သော အစွန်းရောက်ထေရ၀ါဒီတွေက ကိုယ်အယူနဲ့မတူ ကိုယ့်ရန်သူလို သဘောမျိုးတွေနဲ့ အတင်းအဓမ္မနှိပ်ကွပ်နေကြသည်မှာ အလွန်ဝမ်းနည်းဖွယ်ကောင်းပေသည်။

ကမ္ဘာပေါ်ရှိ လူကိုယဉ်ကျေးစေသော ဘာသာတရားများကို ဖျက်ဆီးသူများသည် ထိုဘာသာထဲတွင်ရှိနေကြသော အစွန်းရောက် ဘာသာရေးသမားများဖြစ်ကြ၏။ ဘာသာတရားတွေမှပေးချင်သော ငြိမ်းချမ်းမှုသည် ထို အစွန်းရောက်ဝါဒီတို့ကြောင့် မငြိမ်းချမ်းပဲ ဖြစ်နေကြရမှာ လူတိုင်းအသိပင်ဖြစ်သည်။ ယနေ့ ထေရ၀ါဒဗုဒ္ဓဘာသာထဲမှ အစွန်းရောက်ထေရ၀ါဒီတွေလည်း ကျန်ဘာသာတွေထဲမှ အစွန်းရောက်ဝါဒီတွေနဲ့ အလားတူစွာ မိမိတို့နှင့် အယူမတူသူများကို အတင်းအဓမ္မနှိပ်ကွပ်နေကြသည်မှာ ဗုဒ္ဓ၀ါဒမှ ပေးချင်သည့် လူ့ငြိမ်းအေးစေမှုနှင့် လုံးဝ ဖီလာ ဆန့်ကျင်နေပါသည်။

ဒီအစွန်းရောက်ထေရ၀ါဒီတွေရဲ့ လုပ်ရပ်ကြောင့် ကြာရင် မူလထေရ၀ါဒပါ နံမည်ပျက်လာပါလိမ့်မည်။

“အတင်းအကြပ်နှိပ်ကွပ်ခြင်းဖြင့် အကျိုးမများနိုင်၊ မတူတာတွေဘေးဖယ်၊ တူတာတွေနှင့် လက်တွဲဖို့ လိုအပ်ကြောင်း ” ဓမ္မကထိကတွေသြ၀ါဒခံ ပူဇော်ပွဲမှာ သီတဂူဆရာတော်ဘုရားကြီး သြ၀ါဒပေးခဲ့သည်မှာ မှတ်သားဖို့ကောင်းပေသည်။ ဒါသဘောထားကြီးကြဖို့ ပြောတာပါပဲ။

ဘာ့ကြောင့်လည်းဆိုတော့ လွတ်လပ်စွာ သဘောထားကွဲတဲ့အပေါ်မှာ သဘောထားကြီးမှ ငြိမ်းချမ်းမှာမို့လို့ပါ။

ဒါဆိုရင် ယနေ့ မြန်မာထေရ၀ါဒလောကမှာ ကိုယ်နဲ့မတူ ကိုယ့်ရန်သူလို သဘောမျိုးတွေနဲ့ အတင်းအဓမ္မနှိပ်ကွပ်နေကြသည်မှာ ငြိမ်းချမ်းရေးလမ်းစဉ်ဖြစ်ရဲ့လား – - – ။



အတင်းအဓမ္မနှိပ်ကွပ်  ခံနေရသူများက    အဓမ္မ၀ါဒီတွေလား၊  အတင်းအဓမ္မနှိပ်ကွပ်နေသူတွေက    အဓမ္မ၀ါဒီတွေလား ဆိုတာ စဉ်းစားဝေဖန်ကြပါကုန် – - – - ။
(မန္တလေးဂေဇတ်ကကူယူလာတာပါ)