twitter
    Find out what I'm doing, Follow Me :)

ဤဘလောက်သည်ကျွန်တော်နှစ်သက်သောစာစုများနှင့် ကျွန်တော်ခံစားချက်အရေးအသားလေးများစုစည်းထာခြင်းဖြစ်သည်။လာလည်သူ၊မလာတဲ့ သှူမှန်သမျှအေးချမ်းကြပါစေ.......

Wednesday, September 14, 2011

အမည်ခံထေရ၀ါဒမှ တကယ့်ထေရ၀ါဒဗုဒ္ဓဘာသာသို့

င်္ဂါယနာတင်တယ်ဆိုတာ – – – – –
ဗုဒ္ဓဘုရားဟောကြားခဲ့ပါတယ်ဟု ယုံကြည်လက်ခံလို့ရသော တရား ဓမ္မများကို ရဟန်းသံဃာမထေရ်အများက သဘောတူ အတည်ပြု မှတ်တမ်းတင်သော အစည်းအဝေးလုပ်ငန်းဖြစ်ပါတယ်။ ဒီနေရာမှာ သဘောတူရမည့်သံဃာသည် တစ်ပါး၊ နှစ်ပါးတည်း မဟုတ်ရသလို လုပ်ပိုင်ခွင့် ရနေသော အစုအဖွဲ့ တစ်ခုတည်းလည်းမဖြစ်သင့်ပါ။ သင်္ဂါယနာတင် (အစည်းအဝေး) ပြုနေတဲ့ အချိန်အခါမှာ ရှိနေကြသော သံဃာအများ (သို့မဟုတ်) ဒီသံဃာအများက သဘောတူရွေးချယ်ထားသော သံဃာကိုယ်စားလှယ်အများစုရဲ့ သဘောတူညီသော (ဗုဒ္ဓဘုရားဟောကြားခဲ့ပါသည်ဟု လက်ခံ ယုံကြည်ရသော) တရားဓမ္မများကိုသာ အတည်းပြု မှတ်တမ်းတင်မှသာ သမာသမတ်ကျသော အစည်းအဝေး(သင်္ဂါယနာ )ဟု ဆိုရမည် ဖြစ်ပါသည်။

ထေရ၀ါဒဗုဒ္ဓဘာသာသင်္ဂါယနာကို မင်းတုန်းမင်းလက်ထက်တွင် ပဉ္စမသင်္ဂါ ယနာနှင့် ဦးနု ( ဖဆပလ ) အစ်ိုးရလက်ထက်တွင် ဆဋ္ဌမ သင်္ဂါယနာဟု မြန်မာနိုင်ငံတွင် နှစ်ကြိမ် တင်ခဲ့ကြပါတယ်။ အဆိုပါ သင်္ဂါယနာ (၂) ကြိမ်နှင့် ပတ်သက်၍ စိစစ်ကြည့်သည့်အခါမှာ – – – – – – – – – – – -။

ပဉ္စမသင်္ဂါယနာ
မင်းတုန်းမင်းထက်တွင် ဗုဒ္ဓဘုရားဟောကြားခဲ့ပါတယ် (ကိုယ်သိတာမှ ဘုရားဟောအစစ်) ဟု အသီးသီးယူဆ၊ ဟောပြော၊ ရေးသားနေကြမှုကို အကြောင်းပြု၍ သင်္ဂါယနာတင်ရခြင်းဖြစ်သည်။
တင်ပုံတင်နည်းကား – – – – – – ။
ပထမဦးစွာ – – – – ၁၂၂၂ – ခုနှစ်၊ တန်ဆောင်မုန်းလဆန်း (၁) ရက်နေ့မှ စတင်၍ မင်းတုန်မင်း၏ စီမံမှုဖြင့်
(၁) တောင်ဆောင်မိဖုရားကြီး ကိုးကွယ်သော ဦးဇာဂရာဘိဝံသဆရာတော်၊
(၂) မြတောင်မြို့စား၊ သေနတ်ဝန်ကြီးကိုးကွယ်သော ဦးနရိန္ဒာဘိဓဇ ဆရာတော်၊
(၃) စီးတော်မြင်းဝန်တိုက်ဆရာတော် ဦးသုမင်္ဂလသာမိ ဘုန်းကြီး(၃)ပါးမှ ၎င်းတို့က ဘုရားဟောဟု ယုံကြည်လက်ခံသော ပေစာများကိုသာ ကျောက်ထက်အက္ခရာ တင်စေရာ

(၁) အတွင်းဝန် ခန်းပတ်မြို့စားမင်းကြီး၊
(၂) အတွင်းဝန် ယောမြို့စားမင်းကြီး၊
(၃) ခင်မမင်းဝန် မိုင်းခိုင်းမြို့စား၊
(၄) သံတော်ဆင့်၊
(၅) အမိန့်တော်ရေးနှင့်
(၆) အသုံးစာရေး စသည့် လူပုဂ္ဂိုလ် (၆)ဦးတို့မှ ကြီးကြပ်၍ ကျောက်ထက်အက္ခရာတင်ကြရာ (၇) နှစ်၊ (၆) လနှင့် (၁၃)ရက်ခန့်အကြာ ၁၂၃၀-ခုနှစ်၊ ကဆုန်လဆန်း (၁၄)ရက်နေ့၌ ရေးထွင်းပြီးကြ၏။

ထိုကဲ့သို့ ကျောက်စာချပ်ပေါ် အခိုင်အခန့် ရေးထိုးပြီးမှသာ ကျန်ရဟန်းသံဃာတို့ကို ဖိတ်ကြား၍ ထိုကျောက်စာများပေါ်တွင် ရေးထိုးပြီးနေသော တရားများသာလျှင် ဘုရားဟောအစစ်ဖြစ်ကြောင်း (ဘုရင့်အမိန့် အာဏာ)အားကိုးဖြင့် သဘောတူအတည်ပြုခြင်းကို

ကျောက်စားထွင်းထုပြီး (၃) နှစ်ခန့် အကြာ ၁၂၃၃- ခုနှစ်၊ တန်ခူးလပြည့်ကျော် (၁၁) ရက်နေ့မှ စတင်၍ နှုက်ဖြင့်ရွက်ဆိုအတည်ပြုစေရာ (၅) လနှင့်၊ (၃)ရက်အကြာ ၁၂၃၃- ခုနှစ်၊ တော်သလင်းလပြည့်ကျော် (၁၄) ရက်နေ့တွင် ပဉ္စမသင်္ဂါယနာ (အစည်းအဝေး)လုပ်ငန်းပြီးဆုံးလေ၏။
အထက်ပါ ပဉ္စမသင်္ဂါယနာ (အစည်းအဝေး) ဖြစ်စဉ်သည်
(၁) အစည်းအဝေးဆုံးဖြတ် အတည်ပြုချက်ကို အရင်ပြုလုပ်ပြီးမှ အစည်းအဝေးခေါ်ယူပြုလုပ်သည့် သဘောမျိုးဖြစ်နေသည့်အတွက် တကယ့် သမာသမတ် နည်းလမ်းမှန်သော သင်္ဂါယနာ (အစည်းအဝေး)ဟု ဆိုလို့ ရနိုင်ပါ့မလား။
(၂) ပေစာမူကွဲများကို ကျောက်စာအဖြင့် ထွင်းထုဖို့ ဗုဒ္ဓဘုရားဟောအစစ်ဟု ရွေးချယ်ခြယ်အတည်းပြုခြင်းမှာလည်း ထေရ၀ါဒအရ မထေရ်အများသဘောဆန္ဒမပါပဲ ဘုရင်အားကိုးဖြင့် လုပ်ပိုင်ခွင့်ရနေသော ဘုန်းကြီး (၃)ပါးရဲ့ သဘောဆန္ဒသာဖြစ်နေသည်။
(၃) ထိုပဉ္စမသင်္ဂါယနာတင်သည့်အခါတွင် မြန်မာနိုင်ငံ၊ မန္တလေးမြို့ရှိ လုပ်ပိုင်ခွင့်ရ ဘုန်းကြီး (၃) ပါးရဲ့ ရွေးချယ်မှုသာဖြစ်ပြီး ကျန်ထေရ၀ါဒနိုင်ငံများ ဖြစ်ကြသည့် ယိုးဒယား၊ သိရီလင်္ကာ၊ ကမ္ဘောဒီယားနှင့် လာအိုစသော ထေရ၀ါဒနိုင်ငံများမှ ရဟန်းသံဃာများသဘောထား မပါဝင်သည့်အတွက် ထေရ၀ါဒဗုဒ္ဓဘာသာတစ်ခုလုံးကို ကိုယ်ပြုသည့် သင်္ဂါယနာ ဖြစ်နိုင်ပါ့မလား စသည့် အချက်အလက်တို့ မှာ စဉ်းစားစရာတွေ ဖြစ်နေပေ၏။
(တကယ့်ထေရ၀ါဒဗုဒ္ဓဘာသာ အစစ်အမှန် ပေါ်ဖို့ လိုပေပြီ။)

ပဉ္စမသင်္ဂါယနာ (အစည်းအဝေး)အစည်းအဝေး ပြုခဲ့သည်ကို ခြုံငုံသုံသပ်ကြည်ရလျှင် မင်းတုန်းမင်းလက်ထက်၌ သုဓမ္မာဆရာတော်များက သူတို့ယုံကြည်တဲ့ ပေစာများကသာ ဘုရားဟောအစစ်၊ ပထမရွှေကျင်ဆရာတော်ကြီးလိုပုဂ္ဂိုလ်မျိုးကလည်း သူသိထားတာမှ ဘုရားဟောအစစ်ဟုဆိုသလို ဓါတ်ဆရာ ဆရာပိုလို ပုဂ္ဂိုလ်မျိုးတွေကလည်း ဘုရားဟောဆိုတာ ဒီပေစာတွေပဲဟု အသီးသီး ကိုယ့်ဟာကို ကိုယ်အမှန် ဟောပြော၊ ရေးသာနေမှုများကြောင့် ဘုရင်မျက်နှာသာပေးခြင်းခံနေရသော
ဦးဇာဂရာဘိဝံသစသော သုဓမ္မာဆရာတော် (၃) ပါးမှ သူတို့ ယုံကြည်ယူဆထားသော ပေစာတွေသာလျှင် ဗုဒ္ဓဘုရားဟောအစစ်ဟု ယူဆစေလိုသည့် (အယူစွဲ)စိတ်ထားတွေကြောင့် မထေရ်အများ သဘောဆန္ဒကို တိုင်ပင် ညိနှိုင်းခြင်းမပြုပဲ ကိုယ့်ဆန္ဒကို ဦးစားပေးသည့်လုပ်ရပ်သည် ထေရ၀ါဒ လမ်းစဉ် မဟုတ်လို့ တကယ့်ထေရ၀ါဒ သင်္ဂါယနာ (အစည်းအဝေး) လို့ ဆိုလို့ မရနိုင်ပါ။
ဇာဂရာဘိဝံသ၀ါဒ သင်္ဂါယနာ (သို့မဟုတ်) မင်းတုန်းမင်း သင်္ဂါယနာ ဟု ခေါ်ဆို သတ်မှတ်ထိုက်ပါတယ်။

ဆဋ္ဌသင်္ဂါယနာ

ပဉ္စမသင်္ဂါယနာနှင့် အလားတူစွာ ဦးနု (ဖဆပလ) အစိုးရ လက်ထက်တွင်လည်း ဘာသာခြားအင်္ဂလိပ်များအုပ်ချုပ်ခဲ့မှုကြောင့် ဘာသာငြိုးနွမ်းနေခြင်း၊ ပါဠိ၊ အဋ္ဌကထာမူကွဲများဖြစ်နေခြင်းစသည့် အကြောင်းပြကာ ၀န်ကြီးချုပ်ဦးနု၏ စီမံမှုဖြင့် မဟာစည်ဆရာတော်၊ မင်းကွန်းဆရာတော်တို့မှ ကြီးမှုးကာ သင်္ဂါယနာတင်ကြလေ၏။
ထိုသင်္ဂါယနာမတင်မီ ၀န်ကြီးချုပ်ဦးနုက မြန်မာပြည်အရပ်ရပ်ရှိ ဆရာတော်တွေထံ သွားရောက်လျှောက်ထာခဲ့ရာတွင်
အမရပူရမြို့ရှိ မိုးကုတ်ဆရာတော်ကြီးအား လျှောက်ထားရာ မိုးကုတ်ဆရာတော်ကြီးမှ “သင်္ဂါယနာတင်တယ်ဆိုတာ ကိုယ်တိုင် သာသနာတည်အောင် (ဘုရားဟောကို သိအောင်) အရင်လုပ်ရတယ်”ဟု ပြောကြာလိုက်သည့် အတွက် ဦးနုမှ အလိုမကျကာ သင်္ဂါယနာတင်ပွဲတွင် မိုးကုတ်ဆရာတော်ကြီးလိုပုဂ္ဂိုလ်မျိုးတွေကို ဖိတ်ကြားခြင်း မပြုဟု သိရှိရ၏။

တောင်တွင်းကြီး ဆရာတော်ရှင်ဥက္ကဋ္ဌသို့ ဦးနုမှ လျှောက်ထားရာတွင်လည်း ဦးဥက္ကဋ္ဌမှ ဆဋ္ဌသင်္ဂါယနာကို ဘယ်ပုံ၊ ဘယ်နည်း တင်မှာလဲဟု မေးမြန်းရာ ဦးနုမှ မင်းတုန်းမင်းရေးထိုးခဲ့တဲ့ ကျောက်စာများကို ပြန်လည်ရွက်ဖတ်မှာဖြစ်ကြောင်း ပြောကြားသည့်အတွက် ဦးဥက္ကဋ္ဌက “ဒါဆိုရင် ငါတို့က ဘာလာလုပ်ရမှာလဲ၊ ဘာလို့ သင်္ဂါယနာထပ်တင်နေမှာလဲ” ဟု ပြောကြားခဲ့ကြောင်းလည်း သိရ၏။

တကယ်တော့ ဆရာတော်ဦးဥက္ကဋ္ဌသည် သမိုင်းနှံ့စပ် သိမြင်သည်မို့ မင်းတုန်းမင်းတင်ခဲ့သော ပဉ္စမသင်္ဂါယနာသည် သမာသမတ် မကျသည့်အတွက် ပဉ္စမသင်္ဂါယနာတင်ကျောက်စာများအပေါ် မထေရ်အများရဲ့ ဆန္ဒပြန်ယူကာ ထေရ၀ါဒနည်းလမ်းမှန် ပြန်လည်စိစစ်ရွေးချယ် အတည်ပြုစေလိုပုံရပေသည်။
သို့ရာတွင် ၀န်ကြီးချုပ်ဦးနုသည် ဗုဒ္ဓတရားအစစ်အမှန်ပေါ်ထွန်းရေးထက် သူ့ နိုင်ငံရေးသြဇာကြီးထွားစေရန် သင်္ဂါယနာတင်ပုဂ္ဂိုလ်ဖြစ်လိုနေသည်ဟု အဲဒီခေတ် သတင်းဆောင်းပါးများက ဝေဖန်နေကြတဲ့ကြားက အတင်းအကောင်အထည်ဖော်၏။
ထိုအချိန်အခါက မြန်မာပြည်သည် ထူထောင်နေဆဲကာလဖြစ်နေသည့်အတွက် တိုင်းပြည်စီးပွားရေးက ပို၍အရေးကြီးနေတာမို့ ငွေကုန်ကြေးကျများသော ဒီသင်္ဂါယနာအစီအစဉ်ကို မလုပ်သင့်သေးကြောင်း အမျှော်အမြင်ကြီးစွာ ပြောဆိုမိသော ဦးသန့်အား ကုလသမဂ္ဂကိုယ်စားလှယ်အဖြစ် နိုင်ငံခြားသို့ ပထုတ်လိုက်လေ၏။
မှန်ပေ၏။ ထိုဆဋ္ဌသင်္ဂါယနာ၏ ရလဒ်ကား သုံးနှစ်ကြာအောင်တင်ခဲ့ရသည်မို့ တိုင်းပြည်က ကုန်ကျမှုမှာ တန်ကြေး ရွှေကျပ်သားတစ်သိန်း (ပိဿာချိန် တစ်ထောင်)ခန့် ကုန်ခဲ့သည်ဟု သိရပေသည်။ မင်းတုန်းကျောက်စာတွေကို စာရွက်ပေါ်ပြန်ပုံနှိပ်နိုင်တာလေးအတွက် ကုန်ကျမှုမှာ မတန်တဆဖြစ်နေသည်ဟု ဆိုရပေမည်။ ဦးနု၏ နိုင်ငံရေးသြဇာကြီးထွားဖို့ အတွက် လုပ်ရပ်ကား တိုင်းပြည်နစ်နာခဲ့ကြောင်းကို သင်ခန်းစာ ယူသင့်ပေသည်။

ဝန်ကြီးချုပ်ဦးနုမှလည်း သူ့အတွက် နိုင်ငံရေးအမြတ်ထုတ်ခဲ့သလို မထေရ်အများဆန္ဒမပါပဲ မင်းတုန်းမင်းကိုးကွယ် ဘုန်းကြီး (၃)ပါးလုပ်ခဲ့သော ကျောက်စာများအပေါ် မထေရ်အများဆန္ဒရယူကာ ပြန်လည် စိစစ်ခြင်းမပြုပဲ
ပရိသတ် ဗိုလ်ပုံအလယ် မင်းတုန်းကျောက်စာများကို အလွတ်ကျက် မေးမြန်း၊ အလွတ်ကျတ် ပြောဆိုနိုင်တာကို အဓိကထားခဲ့တဲ့ မဟာစည်ဆရာတော်၊ မင်းကွန်းဆရာတော်တို့ ကြီးမှုးခဲ့သော ဆဋ္ဌသင်္ဂါယနာ (အစည်းအဝေး)သည်လည်း တကယ့်ထေရ၀ါဒဗုဒ္ဓဘာသာလမ်းစဉ် ဖြစ်ထိုက်ရဲ့လား။
(ပဉ္စမသင်္ဂါယနာ) ဇာဂရာဘိဝံသ၀ါဒ သင်္ဂါယနာ (သို့မဟုတ်) မင်းတုန်းမင်း သင်္ဂါယနာကဲ့သို့ မဟာစည်၊ မင်းကွန်းဝါဒ သင်္ဂါယနာ (သို့မဟုတ်) ဦးနု သင်္ဂါယနာဟုသာ ခေါ်ဆိုထိုက်ပေသည်။
(တကယ့်ထေရ၀ါဒဗုဒ္ဓဘာသာ ပျောက်ကွယ်နေပေပြီ။)

အဆိုပါ ဆဋ္ဌသင်္ဂါယနာတင်ပွဲသို့ ကျန်ထေရ၀ါဒ (၄)နိုင်ငံမှ ရဟန်းများအား ပင့်ဖိတ်သော်လည်း ထိုနိုင်ငံ (၄)နိုင်ငံ၏ သဘောထားမပါခဲ့သော ပဉ္စမသင်္ဂါယနာ မင်းတုန်းကျောက်စာများကိုသာ အတည်ပြု အလွတ်ကျက် ရွတ်ဆိုတာသာ ပြုလုပ်ပြီး ကျန်ထေရ၀ါဒနိုင်ငံများမှ သံဃာများ သဘောထားနှင့် ညှိနှိုင်း တိုင်ပင် ပြင်ဆင် တည်းဖြတ်ခြင် မပြုသည့်အတွက် ထိုနိုင်ငံများမှ ဆဋ္ဌသင်္ဂါယနာတင်ပွဲသို့ ဖိတ်ကြားချက်အရ တက်ရောက်ကြသော်လည်း ထေရ၀ါဒသင်္ဂါယနာအဖြစ် သဘောတူ အသိအမှတ်မပြုကြပါ။
ထိုကဲ့သို့ အသိအမှတ်မပြုကြောင်းကို ထေရ၀ါဒနိုင်ငံများထဲက ငွေကြေးတတ်နိုင်သော ထိုင်းနိုင်ငံမှ ဘုရင်ကိုယ်တိုင်ကြီးမှုကာ ထိုနိုင်ငံရှိ ရဟန်းများဖြင့် ယှဉ်ပြိုင်ထေရ၀ါဒသင်္ဂါယနာ ထပ်တင်ဟု သိရပေသည်။
မင်းတုန်းမင်း သင်္ဂါယနာတုန်းက သူတို့မှ မပါခဲ့တာကိုး – – – – – ။

မင်းတုန်းမင်းနှင့် အပေါင်းအပါ ဘုန်းကြီးတို့သည် ၎င်းတို့ သဘောကျသော တရားများကိုသာ ဘုရားဟောဟု လုပ်ခဲ့သလို
အားကျမခံ မဟာစည်ဆရာတော်နှင့် မင်းကွန်းဆရာတော်တို့ကလည်း ဘုရားဟော မဟုတ်ပါပဲနဲ့ ၎င်းတို့ သဘောကျသော အဋ္ဌကထာ (အဖွင့်ကျမ်း)တို့ကိုသာ ဦးနုအစိုးရအားကိုးဖြင့် အတည်ပြုစေကာ ဘုရားဟောနှင့် ထပ်တူပဲ၊ ဗုဒ္ဓအလိုကျပဲဟု လုပ်လိုက်ကျပြန်လေ၏။
၎င်းတို့ အသိအမြင်နှင့် မကိုက်ညီသော သဘောမကျသော အဋ္ဌကထာ (အဖွင့်ကျမ်း)တို့ကို ဘုရားဟောနှင့်မညီဟု ဆိုကြလေ၏။
ဘုရားထက်တောင် ကြီးနေကြပါတကား – – – – – ။
ထိုလုပ်ရပ်များကြောင့် ယနေ့ မြန်မာနိုင်ငံ ဗုဒ္ဓဘာသာလောကတွင် မဟာစည်၊ မင်းကွန်းဝါဒသင်္ဂါယနာ (ဆဋ္ဌသင်္ဂါယနာ)တွင် အတည်ပြုခဲ့သော
အဋ္ဌကထာ (အဖွင့်ကျမ်း)တို့သာလျှင် တရားဝင်သလို ဖြစ်နေပေ၏။

တရားနည်းလမ်းကျကျ အတည်ပြုမှသာ တကယ့်တရားဝင်စစ်စစ်ဖြစ်မှာပါ။
တရားနည်းလမ်းမကျရင်တော့ ဘယ်လိုပဲ အတည်ပြုခိုင်း၊ ပြုခိုင်း တကယ့်တရားမ၀င်သာ ဖြစ်နေပါလိမ့်မည်။
ယနေ့အခါ အဆိုပါ (တကယ့်တရားမ၀င်) အဋ္ဌကထာများနှင့် မင်းတုန်းကျောက်စာများကို ပေတံထားပြီး ဓမ္မ၊ အဓမ္မဆိုပြီး လုပ်နေကြသည်မှာလည်း တကယ့် တရားနည်းလမ်းကျ၊ မကျဆိုသည်ကလည်း စဉ်းစားဖို့ ကောင်းပေပြီ။
ကိုင်တွယ်တဲ့ ဓမ္မပေတံ မှန်ကန် တိကျမှလည်း ဆုံးဖြတ်ချက်ဟာ သမာသမတ်ကျသည်ဟု ဆိုရပေမည်။
ပေတံလွဲနေသမျှ၊ မတိကျသမျှ ဆုံးဖြတ်ချက်များဟာလည် ဘယ်တော့မှ တရား(ဓမ္မ)အစစ် မဖြစ်နိုင်ပါ။
ဒါဆိုရင် မတရား (အဓမ္မ)များသာလျှင် ဖြစ်နေပေမည်။
ဒါကြောင့် မတိကျသည့် ပေတံများဖြင့် ပြုလုပ်နေကြသည့် အဓမ္မ၀ါဒ ဖော်ထုတ်နေခြင်းသည် လူဆိုးကိုယ်တိုင်က ရဲဖြစ်နေပြီး ထိုရဲမှ လူဆိုးကို လိုက်ရှာနေသလိုဖြစ်နေပေသည်။
ဒါ့ကြောင့် စစ်မှန်သည်ဟု ယုံကြည်လက်ခံလို့ ရနိုင်သော ဓမ္မပေတံ အစစ်ပေါ်ထွန်းအောင် (တကယ့်ထေရ၀ါဒ ပြန်လည်ပေါ်ထွန်းအောင်) ပြုလုပ်နိုင်ကြမှသာလျှင် တကယ့် ဗုဒ္ဓဓမ္မအစစ်ထွန်ကားပေမည်။
ထိုကဲ့သို့ တကယ့်ထေရ၀ါဒကျကျ သင်္ဂါယနာတင်ပုံ နည်းမှန် လမ်းမှန်နဲ့ မထေရ် အများဆန္ဒကို အလေးထားကာ ပြုလုပ်သော အစည်းအဝေးမျိုးဖြင့် ဓမ္မများအား အတည်ပြု ရွေးချယ်မှသာလျှင် တကယ့်ထေရ၀ါဒ ဗုဒ္ဓဘာသာစစ်စစ်ဖြစ်သည်ဟု ခေါ်ဆိုထိုက်ပေသည်။
ဒါ့ကြောင့် အမည်ခံထေရ၀ါဒမှ တကယ့်ထေရ၀ါဒဗုဒ္ဓဘာသာသို့ ဖော်ဆောင်ဖို့ လိုအပ်ပါကြောင်း နှိုးဆော်လိုက်ပါတယ် တကယ့်ထေရ၀ါဒီ အို – – – သူတော်ကောင်း အပေါင်းတို့ – – – – – – – -။

(တတိယသင်္ဂါယနာနှင့် စတုတ္ထသင်္ဂါယနာအကြောင်း ဆက်လက်ဖော်ပြပါဦးမည်။)
မန္တလေးဂေဇတ်မှကူးယူဖော်ပြပါသည်.....

3 comments:

  1. ကိုသျှင်မင်းခင်ဗျာ........
    သင်္ဂါယနာတင်ထားတာတွေက အမှားတွေလို့ပြောချင်တာလားမသိဘူး...
    အကို ဗုဒ္ဓဘာသာကော ဟုတ်ရဲ့လားမသိဘူးနော်.....

    ReplyDelete
  2. သင်္ဂါယနာတင်တာတွေ နည်းလမ်းမကျဘူးပြောတာနဲ့ ဗုဒ္ဓဘာသာ ဟုတ်ရဲ့လားလို့ မေးတာဟာ ဥာဏ်သိပ်နည်းရာကျပါတယ်။

    ReplyDelete

ဘယ်သူမဆို ဝေဖန်သွားလို့ ရပါတယ်
အပြုသဘောနဲ့ ပေါ့ 
အားလုံးပျော်ရွင်ကျပါစေ.....